ദുബായ്: ചേട്ടന്മാര് ഏഷ്യ കപ്പ് ട്വന്റി-20 ചാമ്പ്യന്മാരായെങ്കില്, ഏകദിന കിരീടം മോഹിച്ച് ഇന്ത്യയുടെ അനിയന്മാര് ഇന്നു മുതല് കളത്തില്.
2025 ഏഷ്യ കപ്പ് അണ്ടര് 19 ഏകദിന ക്രിക്കറ്റ് പോരാട്ടത്തിന് ഇന്നു മുതല് തുടക്കം. ഉദ്ഘാടന മത്സരത്തില് ഇന്ത്യ യുഎഇയെയും പാക്കിസ്ഥാന് മലേഷ്യയെയും നേരിടും. രണ്ട് മത്സരങ്ങളും രാവിലെ 10.30നാണ്.
ഗ്രൂപ്പ് എയിലാണ് ഇന്ത്യ, പാക്കിസ്ഥാന്, മലേഷ്യ, യുഎഇ ടീമുകള്. അഫ്ഗാനിസ്ഥാന്, ബംഗ്ലാദേശ്, ശ്രീലങ്ക, നേപ്പാള് ടീമുകളാണ് ഗ്രൂപ്പ് ബിയിലുള്ളത്. ബംഗ്ലാദേശാണ് നിലവിലെ ചാമ്പ്യന്മാര്. രണ്ട് ഗ്രൂപ്പിലെയും ആദ്യ രണ്ടു സ്ഥാനക്കാര് സെമിയിലേക്കു മുന്നേറും. 19ന് സെമിയും 21നു ഫൈനലും അരങ്ങേറും.
ആയുഷ് മാത്രെയാണ് ഇന്ത്യ അണ്ടര് 19 ടീമിന്റെ ക്യാപ്റ്റന്. വെടിക്കെട്ട് ഓപ്പണറായ വൈഭവ് സൂര്യവംശിയിലാണ് ഏവരുടെയും ശ്രദ്ധ. കോട്ടയത്തു വേരുള്ള, ഹൈദരാബാദിനുവേണ്ടി ആഭ്യന്തരം കളിക്കുന്ന അരുണ് ജോര്ജാണ് ഇന്ത്യന് ടീമിലെ ഏക മലയാളി സാന്നിധ്യം.
Deepika
E-paper LOGIN
LOGIN
